ಮೊಲದ ಮರಿ... ಮೊಲದ ಮರಿ...

ಮೊಲದ ಮರಿ ಮೊಲದ ಮರಿ

ಆಡು ಬಾರೇ..

ಚುಪುಕೆ ಚುಪುಕೆ ಚುಪುಕೆ ಚುಪುಕೆ

ನೆಗೆದು ಬಾರೆ

ದೊಡ್ಡದಾದ ಕಾಡಿನೊಳಗೆ

ಏನು ಮಾಡುವೆ

ಹೆಡ್ಡ ನೀನು ಪೊದರಿನೊಳಗೆ

ಏಕೆ ಅಡಗುವೆ?

ಪೊದರಿನಿಂದ ಪೊದರ ಬಳಿಗೆ

ನಿನ್ನ ಆಟ

ಗಿಡದ ಚಿಗುರು ನಿತ್ಯ ನಿನಗೆ

ಸೊಗಸಿನೂಟ

ಗಿಡ್ಡ ಬಾಲ ದೊಡ್ದ ಕಿವಿಯು

ನಿನಗೆ ಚೆಂದ

ಎದ್ದು ಎನ್ನ ಬಳಿಗೆ ಬಂದು

ಆಡೊ ಕಂದ

ಗೂಡು ಕಟ್ಟಿತಿಂಡಿ ಕೊಡುವೆ

ಪ್ರೀತಿಯಿಂದ

ಕಾಡಬಿಟ್ಟು ಊರ ಸೇರೋ

ಮೊಲದ ಕಂದಾ

ಮುದ್ದು ಮುದ್ದು ಮಾತುಗಳನು

ನಿನಗೆ ಕಲಿಸುವೇ

ಮುದ್ದು ಮಾಡಿ ಪ್ರೀತಿಯಿಂದ

ನಿನ್ನ ಸಲಹುವೇ

**********